Avstraliyadagi Shannons auksioni orqali 1958-yilda ishlab chiqarilgan Porsche 356A modeli sotildi. Savdolar yakunida erishilgan narx sotuvchilarning o‘zini ham hayron qoldirdi: xaridor zang bosgan kabrioletni 178,5 ming AQSh dollarga sotib olgan, deb xabar beradi Motor.
Auksion 23-fevral kuni yakunlangan. Noyob kabriolet 60 dan ortiq potensial xaridorlarni o‘ziga jalb etgan bo‘lib, ularning ikki nafari bir-birga qarshi bo‘lib qolgan. Natijada savdolarning so‘nggi soatida narx 75 ming dollarga chiqib ketgan, final bosqichida esa 178 ming dollardan oshgan. Taqqoslash uchun, 2021-yilda ishlab chiqarilgan Porsche 911 modeli Avstraliyada olti ming dollar qimmatroq turadi.
Mashinani “100 ming atrofida” sotishni rejalashtirgan kimoshdi uyi vakillarining so‘zlariga ko‘ra, erishilgan natija kutilganidan ham a’lo bo‘lib chiqqan. Lot atrofida sodir bo‘lgan ajiotaj uning noyobligi bilan izohlanmoqda: kabrioletning rul qismi o‘ng tomoniga o‘rnatilgan va eng boy opsiyalar ro‘yxatiga ega.
So‘nggi chorak asr davomida Brisben yaqinidagi garajda saqlangan Porsche’ni ta’mirlash uchun yana 100-300 ming dollar sarflashga to‘g‘ri keladi.
Avvalroq Diyego Maradonaga tegishli bo‘lgan noyob kabriolet auksion orqali sotilishi to‘g‘risida xabar berilgandi.
Izoh (0)