«Титаник» фильмининг якуни бошқача тугаши мумкин эди. Интернетда тарқалган муқобил вариантда кекса Роузни палубада, «Океан юраги» тақинчоғини сувга ташлашидан олдин топиб олишгани тасвирланган, деб ёзади Esquire.
Экспедиция етакчиси Брок Лаветт Роуздан ўйлаб кўришини ва «Океан юраги»ни ташламасликни сўрайди. Роуз эса бунга жавобан «Сизлар бойликни бошқа жойдан қидиряпсизлар, жаноб Лаветт. Фақатгина умр, унинг ҳар бир куни бебаҳо», — дея жавоб қайтарган.
Тақинчоқ океанга тушиб кетади ва Роуз Лаветт билан хандон отиб кула бошлайди. Экспедиция аъзолари ғазабда, улардан бири «Бу ҳақиқатан ҳам аҳмоқлик, хоним!» — дея бақиради. Саҳна Лаветтнинг Роузни невараси билан рақсга тушиши билан якунланган.
https://twitter.com/patbrennan88/status/1361778751072137222
Муқобил якун ҳақида анча олдин маълум бўлган, бироқ ҳозирда у яна Twitter’да муҳокамаларга сабаб бўлди. «‘Титаникънинг муқобил финали жуда кулгили. Бу фильмни шунчаки йўқ қилган бўларди», — деб ёзади фойдаланувчилар.
Бу каби якунга Брок Лаветт роли ижрочиси Билл Пекстон ҳам муносабат билдирган. Yahoo’га берган интервьюсида у мазкур саҳнани фақатгина героин остида яхшироқ ўйнаши мумкинлигини тан олган. Унинг сўзларига кўра, фильм режиссёри Жеймс Кемерон шу орқали картинани замонавийлаштирмоқчи бўлган, бироқ охир-оқибат ушбу фикрдан қайтган.
Шунингдек, фойдаланувчилар Леонардо Ди Каприонинг қаҳрамонини сақлаб қолиш имкони бўлганини муҳокама қилган.https://twitter.com/isaiahheaden/status/1362311533297086469
Изоҳ (0)