Ko‘plab yulduzlar o‘zlarining asosiy faoliyati — filmlarda o‘ynash, qo‘shiq aytish yoki ijtimoiy tadbirlarda qatnashishdan tashqari qo‘shimcha daromad olish maqsadida biznes bilan ham shug‘ullanishadi. Ulardan ba’zilari haqida to‘xtalib o‘tamiz.
Jorj Kluni
Mashhur aktyor tekila ishlab chiqarish bilan shug‘ullanadi. Uning Casamigos nomli brendi AQSh va Meksikada juda mashhur. Aktyorning biznes sherigi Kluni o‘nlab tekilalarni sinab ko‘rgani, oxir-oqibat eng yaxshisini o'zi yaratishga qaror qilganini aytadi.
Jessika Alba
Jessika — uy-ro‘zg‘or buyumlari va terini parvarish qiluvchi mahsulotlarini ishlab chiqaradigan Honest Company’ning asoschisi hisoblanadi.
Gvinet Peltrou
Aktrisaning o‘ziga xos Goop nomli brendi bor, u ba’zida qimmat aksessuarlar yoki sauna uchun infraqizil adyol kabi juda g‘alati narsalarni sotadi.
Venera Uilyams
Mashhur tennischi V*Starr Interiors dizaynerlik kompaniyasini asos solgan va interyer dizayner sifatida nom qozongan. U tomonidan yaratilgan loyihalarga Mayamidagi futbolchi va basketbolchilar uchun uy, o‘sha yerdagi mehmonxonalar tarmog'i, Vashingtondagi Govard universiteti sport inshootlarini misol qilib keltirish mumkin. Ma’lum bo‘lishicha, Uilyams Niido bilan hamkorlikda Airbnb’ning hashamatli kvartiralarini ham loyihalashtirishda ishtirok etadi.
Bill Myurrey
Aktyor o‘zining noodatiy xatti-harakati va g‘ayritabiiy istaklari bilan tanilgan. U golf o‘ynashni yaxshi ko‘radi, shu sababli 2016-yilda aynan shu sport uchun shaxsiy kiyimlar tarmog‘ini yaratgan.
Nikolas Keyj
Aktyor Bagama arxipelagida shaxsiy orol sotib olgani va bir muncha vaqt uy hayvoni sifatida sakkizoyoq boqqani bilan ham yaxshi tanish. Ammo eng qiziq voqea 2011-yilda bo‘lgan.
1997-yilda u superqahramonlar tasvirlangan 1934-yildagi komiksini 150 ming dollarga sotib oladi. 2000-yilda aktyor komiks o‘g‘irlanganligini ovoza qiladi, 2011-yilda esa go‘yo uni uyining chordog‘idan topib oladi. Shundan so‘ng komiksni onlayn kimoshdi savdosiga qo‘yib, ikki million dollardan oshiq narxga sotadi.
Skarlett Yoxansson
Jozibador aktrisa 2016-yilda Parijda popkorn do‘konini ochgan. Yoxanssonning aytishicha, uning orzusi – Yevropadagi sevimli shahriga sevimli Amerika taomlarini olib kelish edi. Uning do‘konida pishloq, truffel, zaytun moyi, shokolad bilan qoplangan qulupnayli popkornlar sotilgan. Afsuski, uning biznesi oradan ko‘p o‘tmay omadsizlikka uchragan.
Izoh (0)