Ички ишлар вазири Пўлат Бобожонов амалий ташриф билан Бирлашган Араб Амирликларига бориб, ташриф дастури доирасида Дубай шаҳри полицияси раҳбари, генерал майор Абдуллоҳ Халифа Ал-Марри билан учрашди.
Вазирлик матбуот хизматининг маълум қилишича, учрашувда жамоат хавфсизлигини таъминлаш ва жиноятчиликка қарши кураш соҳасида икки томонлама ҳамкорлик ўрнатиш ҳамда ўзаро тажриба алмашиш каби масалалар атрофлича муҳокама қилинди.
Учрашувдан сўнг Пўлат Бобожонов Дубай шаҳри полицияси тизими фаолияти билан танишди.
Жумладан, Дубай полиция тизимида ҳуқуқни муҳофаза қилиш соҳаси, жиноятчиликка қарши курашиш, жамоат хавфсизлигини таъминлаш ҳамда ҳар хил турдаги ҳуқуқбузарликларнинг олдини олиш борасида энг замонавий ахборот технологиялар ва дастурий таъминотлардан ташкил топган электрон полиция, хавфсиз ва ақлли шаҳар тизимлари, куч ва воситаларни бошқарув маркази, кибержиноятларга қарши кураш маркази фаолиятлари билан танишди.
Шунингдек, Дубай шаҳридаги туристик объектлар ва ташриф буюрувчи сайёҳлар хавфсизлигини таъминлаш мақсадида Дубай шаҳрида барпо этилган «Ақлли полиция маскани–Smart police station» фаолиятлари билан танишди.
Изоҳ (0)