Давлат статистика қўмитаси (ДСҚ) маълумотларига кўра, Ўзбекистонда автомобиллар импорти январь ойида кескин камайди, деб ёзмоқда Spot.
2021 йилнинг биринчи ойида Ўзбекистонга 5,8 миллион долларлик хорижий автомобиллар етказиб берилди. Бу 2020 йил январига нисбатан деярли 80 фоизга кам ва 2019 йилнинг январига нисбатан бир неча баравар кам.
2020 йилнинг ёзида ҳукумат ички бозорда рақобатни яхшилашга қарор қилиб, енгил автомобилларни олиб кириш учун акциз солиғи ставкаларини бекор қилганди. Аммо сўнгги ярим йил ичида бу импортнинг аввалги йилларга нисбатан кескин ўсишига олиб келмади.
«Норма» таҳлилчилари ҳатто утилизация йиғими жорий қилинганига қарамай хорижий автомобиллар арзонлашиши керак, деб ҳисоблаганди.
Аввалроқ Ўзбекистонда ҳар 100 та уй хўжалигига қанча автомобиль тўғри келиши, электромобиллар импорти икки йилда 10 баробарга ошгани ҳамда Ўзбекистонда 2020 йилда автомобиль импорти экспортга нисбатан 2,3 бараварга кўп бўлгани ҳақида хабар берилганди.
Изоҳ (0)