Davlat statistika qo‘mitasi (DSQ) ma’lumotlariga ko‘ra, O‘zbekistonda avtomobillar importi yanvar oyida keskin kamaydi, deb yozmoqda Spot.
2021-yilning birinchi oyida O‘zbekistonga 5,8 million dollarlik xorijiy avtomobillar yetkazib berildi. Bu 2020-yil yanvariga nisbatan deyarli 80 foizga kam va 2019-yilning yanvariga nisbatan bir necha baravar kam.
2020-yilning yozida hukumat ichki bozorda raqobatni yaxshilashga qaror qilib, yengil avtomobillarni olib kirish uchun aksiz solig‘i stavkalarini bekor qilgandi. Ammo so‘nggi yarim yil ichida bu importning avvalgi yillarga nisbatan keskin o‘sishiga olib kelmadi.
“Norma” tahlilchilari hatto utilizatsiya yig‘imi joriy qilinganiga qaramay xorijiy avtomobillar arzonlashishi kerak, deb hisoblagandi.
Avvalroq O‘zbekistonda har 100 ta uy xo‘jaligiga qancha avtomobil to‘g‘ri kelishi, elektromobillar importi ikki yilda 10 barobarga oshgani hamda O‘zbekistonda 2020-yilda avtomobil importi eksportga nisbatan 2,3 baravarga ko‘p bo‘lgani haqida xabar berilgandi.
Izoh (0)