Diyor Imomxo‘jayev Superliga o‘yinlarining ish kunlariga qo‘yilgani haqida: “Yevrofutbol vaqti bilan raqobatlashish emas, hisoblashish shart”

Professional futbol Ligasi (PFL) bosh direktori vazifasini bajaruvchi Diyor Imomxo‘jayev Superliga o‘yinlari nima sababdan dam olish kunlariga emas, ish kunlariga moslab taqsimlanganiga izoh berdi.

Avvalroq PFL Superliga 2021-yilgi mavsumning dastlabki olti turi bo‘lib o‘tadigan kunlarni ma’lum qilgandi.

Dam olish kunlari kuchli beshlik (Angliya, Ispaniya, Italiya, Germaniya va Fransiya chempionatlari — izoh “Daryo”) o‘yinlari erta boshlanadi, muxlislar ikkiga bo‘linishiga to‘g‘ri keladi. Yevrofutbolni dam olish kuni uyda ko‘rish yoqimli. Biz esa mana shunday muxlislarning ham stadionlarga kelishidan manfaatdormiz. Demak, Yevrofutbol vaqti bilan raqobatlashish emas, hisoblashish shart. Biz futbol uchrashuvlarini imkoni boricha ishdan keyingi vaqtlarga qo‘yishga intilishimiz to‘g‘riroq bo‘ladi.

Diyor Imomxo‘jayev, PFL bosh direktori v.b.