Алексей Навальнийнинг рафиқаси Юлия 22 февраль куни Германиядан Москвага қайтиб келди. Бу ҳақда «РИА Новости» хабар қилди.
Тегишли видеода Навальная қандай қилиб аэропорт биноси орқали автотураргоҳга боргани, унинг эри ва Германияга сафаридан мақсади нима экани ҳақидаги саволларга эътибор бермаганлиги тасвирланган.
Бир неча ҳафта олдин Навальная Россиядан учиб кетганди. Spiegel нашри ўз маълумотларига асосланиб, у 10 февраль куни Франкфурт Майн аэропортига Москвадан парвоз билан келганини хабар қилди. Нашрнинг ёзишича, ташриф хусусий характерга эга бўлган. Бошқа тафсилотлар келтирилмаган.
Алексей Навальнийнинг адвокати ҳам аввалроқ Юлиянинг Германияга сафари тўғрисида журналистлар берган саволларини эътиборсиз қолдирган эди.
Бундан аввал суд Навальний «Ив Роше» иши бўйича 2,5 йилни колонияда ўтказиши бўйича ҳукм қилганди.
Изоҳ (0)