Mahmud Murodov: O‘zbekistonda UFC musobaqasi o‘tkazilsa, tekinga jang qilishga ham tayyorman

O‘rta vazn toifasida harakat qiluvchi o‘zbekistonlik UFC jangchisi Mahmud Murodov UFC 257 musobaqasidan keyingi fikrlari bilan o‘rtoqlashdi.

Hayotimda birinchi marta biroz hayajon paydo bo‘ldi. Bosim bor edi. O‘tgan haftada Zarruh jang qildi. Uning mag‘lubiyatidan keyin hamma “Sen yutishing” kerak deb yoza boshladi. Juda katta bosim bor edi.

Bilasizmi, Zarruh yaxshi chiqish qildi, biroq unga ozgina yetishmadi. Unda ham ozgina hayajon bor edi. Biroq u qaytadi va umid qilamanki, g‘alaba qozonadi. Chunki bu bizning mamlakat uchun juda muhim. Bu yerda uch kishimiz, balki bir kun kelib O‘zbekistonda ham musobaqa o‘tkazilar. Bu musobaqada tekinga jang qilishga ham rozi bo‘lardim.

Mahmud Murodov, UFC jangchisi

Mahmud Murodov va Endryu Sanches o‘rtasidagi jangni bu yerda tomosha qilish mumkin — video. Mavzuga doir:

• Mahmud Murodov UFC 257 dagi g‘alabasi haqida: “Jangdan avval o‘zimni yaxshi his qilmayotgandim”
• Mahmud Murodov UFC’dagi 3-jangida qancha mablag‘ ishlab topdi? UFC 257 qatnashchilarining daromadi ma’lum bo‘ldi
• UFC 257 musobaqasining bonus egalari ma’lum bo‘ldi. Ular orasida Mahmud Murodov ham bor

Murodov UFC 257 musobaqasining asosiy kardida amerikalik Endryu Sanchesga (12-6) qarshi jang qildi va uchinchi raunddagi texnik nokaut evaziga g‘alaba qozondi.

Mahmud UFC’dagi debyut jangida italiyalik Alessio di Kirikoni (12-4) ochkolar hisobiga ko‘ra, ikkinchi jangida Trevor Smitni (15-10) uchinchi raundda nokaut evaziga mag‘lubiyatga uchratgan.