Ўзбекистонлик UFC жангчиси Маҳмуд Муродов (26-5) бокс бўйича бешта вазн тоифасида собиқ Жаҳон чемпиони Флойд Мейвезер (50-0, 27 КО) ҳақидаги фикрлари билан ўртоқлашди.
Флойд Мейвезердан нимани ўргандим? Кўп нарсани, бизнесни! У аслида Instagram ёки ижтимоий тармоқларда кўрингани каби эмас, у ҳаётда буткул бошқача.Муродов шу вақтга қадар UFC’да учта жанг ўтказиб, уларнинг барчасида ғолиб чиққан. Сўнгги бор у UFC 257 мусобақасининг асосий кардида америкалик Эндрю Санчесга (12-6) қарши жанг қилган ва учинчи раунддаги техник нокаут эвазига ғалаба қозонганди. Шунингдек, Маҳмуд UFC’даги дебют жангида италиялик Алессио ди Кирикони (12-4) очколар ҳисобига кўра, иккинчи жангида Тревор Смитни (15-10) учинчи раундда нокаут эвазига мағлубиятга учратган.Насиб қилса, Ўзбекистондаги Humo Arena’да катта мусобақа ўтказсак, Мейвезер ва кўплаб бошқа чет эллик юлдузларни олиб келамиз. Мейвезерга Ўзбекистоннинг меҳмондўстлигини кўрсатамиз, Бухоро, Самарқанд ва Хива шаҳарларига олиб борамиз, албатта. Ҳар бир шаҳарда ўша вилоятнинг палови билан меҳмон қиламиз.
Маҳмуд Муродов, UFC жангчиси
Эслатиб ўтамиз, ўзбекистонлик спортчи Мейвезер промоутерлик компанияси билан ҳамкорлик қилади.
Изоҳ (0)