Футбол бўйича Испания Ла Лигасининг 24-турида «Атлетико Мадрид» ўз майдонида «Леванте»ни 20 февраль, шанба куни қабул қилди.
Учрашувда меҳмон жамоанинг қўли баланд келди. Беллашувнинг 30-дақиқасида «Леванте» ҳужумчиси Луис Моралес жамоасини ҳисобда олдинга олиб чиқди. Учрашув якунида Хорхе де Фрутос «Леванте»нинг иккинчи голини киритди. Шу тариқа пешқадамнинг Ла Лига доирасида 11 та ўйиндан бери давом этиб келаётган мағлубиятсиз сериясига якун ясалди. «Матрасчилар» ушбу ўйинларнинг 9 тасида ғалаба қозониб, 2 тасида дуранг ўйнаган.
Диего Симеоне шогирдлари мағлубиятга учраган бўлса ҳам 55 очко билан яққол пешқадам бўлиб турибди. Ғалабага эришган «Леванте» эса 31 очко билан 8-ўринда бормоқда.
Ла Лига
24-тур баҳслари
20 февраль, шанба
«Атлетико М»—«Леванте» 0:2
Голлар: 0:1 – 30 Моралес, 0:2 – 90+5 Де Фрутос.
«Атлетико»: Облак, Фелипе, Хименес (Лемар, 54), Эрмосо, Лоди, Кондогбиа (Торрейра, 61), Льоренте, Корреа (Рикард Санчес, 61), Коке (Дембеле, 74), Жоау Феликс, Суарес.
«Леванте»: Карденас, Робер, Дуарте, Тоно (Клерк, 71), Коке (Сон, 71), Рочина (Де Фрутос, 62), Барди, Малса, Везу, Леон (Дани Гомес, 62), Моралес (Вукчевич, 80).
Огоҳлантиришлар: Везу (36), Карденас (69), Коке (70), Лемар (70), Робер (90).
«Элче»—«Эйбар» 1:0
Гол: 1:0 – 33 Калво.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)