Баъзи касалликларни бутунлай даволашнинг имкони бўлмаса-да, улар билан ҳам нормал ҳаёт кечириш мумкин. Қандли диабет касаллиги ҳам шулар жумласидандир. Касаллик аниқлангандан кейин ҳам ўзини хотиржам тутган юлдузлар бу борада ортиқча ташвишланмайди. Улар иложи борича парҳез, спорт ва вақтида дам олишга амал қилади.

Том Хэнкс

Фото: Cosmopolitan

«Оскар» мукофоти соҳиби 2013 йилда қандли диабет ҳақида сўз очган эди. Маълум бўлишича, актёр 1992 йилдан буён касаллик билан курашиб келган ва кейинчалик у касалликнинг иккинчи тоифасига ўтган. Бунга асосий сабаблардан бири — доимий суратга тушиш ишлари учун парҳез тутиш ҳамда вазндаги кучли ўзгаришлардир. «Мен безовта қилаётган белгиларга эътиборсиз бўлган, натижада касаллик ташхисини олган дангаса америкаликларнинг авлодиданман… Бу аҳмоқликнинг ўзгинаси», − дейди актёр. У касаллик билан яшашга кўникди ва ҳозирда ўзини жуда яхши ҳис қилмоқда.

Хэлли Берри

Фото: «вокруг.тв»

Актриса 19 ёшидаёқ қанд касали ҳақида билиб, дарҳол парҳез қилишни бошлаган ва ҳозиргача бунга амал қилади. Аввалига у тез орада вафот этишини тан олган эди. Аммо буни тақдирнинг бир совғаси ҳамда соғлом турмуш тарзини олиб боришга ишора сифатида қабул қилди.

Шэрон Стоун

Фото: «канал 5»

Актриса қандли диабетнинг биринчи тоифаси билан касалланган. У мунтазам равишда инсулин дозасини қабул қилади. Актриса гўзал кўринишнинг сири нимада, деган саволга: «Ҳеч қандай сир йўқ. Мен керак бўлган барча ишни қиламан: тўғри овқатланиш, ухлаш ва спорт билан шуғулланиш. Мен жуда ҳам бахтлиман», — дея жавоб берган.

Жорж Лукас

Фото: Cosmopolitan

«Юлдузлар жанги» режиссёри Вьетнамда хизматни ўташ учун тиббий кўрикдан ўтаётганда қанд касалининг иккинчи тоифасида эканлигини билган. Эҳтимол, касаллик отаси ёки бобосидан ўтгандир.

Ник Жонас

Фото: Cosmopolitan

Ҳинд актрисаси Приянка Чопранинг турмуш ўртоғи 13 йилдан буён қанд касали билан яшаб келмоқда. «Ушбу касаллик мени тамом қилиши мумкин эди, шукрки, бундай бўлмади. Одатдагидек ҳаёт кечираман, мунтазам равишда қондаги қанд миқдорини ўлчайман ва инсулин қабул қиламан», − дейди Жонас.

Корнелия Манго

Фото: Cosmopolitan

Хонанда 2013 йилдан буён касаллик билан яшаб келмоқда. Унинг ҳатто жонлантириш бўлимига тушиб қолган вақтлари ҳам бўлган. Шундан кейин у тўғри овқатланиш, спиртли ичимликлар ва чекишни ташлашни ўрганди. Унинг мисолида даволаб бўлмайдиган касаллик билан ҳам ҳаёт кечириш мумкинлигини кўриш мумкин.

Александр Семчев

Фото: Cosmopolitan

2018 йилда актёр 50 килограмм вазн йўқотиб, барчани ҳайратга солган. Бунинг сабаби унда аниқланган иккинчи тоифа қанд касаллиги эди. Қонда қанд миқдори меъёрида бўлиши ва ўзини яхши ҳис қилиши учун актёр вазн йўқотишига тўғри келган.

Юлия Савичева

Фото: Cosmopolitan

Қўшиқчи ҳомиладорлик вақтида қандли диабетга чалинган. Бундай ҳолат тез вазн ортиши туфайли тахминан 5 фоиз аёлларда учрайди. Туғруқдан кейин касаллик ҳам бартараф этилиши мумкин, аммо парҳез тутишда давом этиш керак.