Тошкент шаҳар экология ва атроф-муҳитни муҳофаза қилиш бошқармаси ҳамда пойтахт прокуратураси томонидан тузилган махсус ишчи гуруҳ «Мовий гумбазлар» истироҳат боғидаги дарахтларни хатловдан ўтказди. Бу ҳақда Биохилма-хиллик ва муҳофаза этиладиган табиий ҳудудлар бошқармаси бошлиғи Абдурашид Содиров 18 февраль куни АОКАда ўтказилган матбуот анжуманида маълум қилди.
«Ҳудудда ўтказилган ўрганишлар натижасига мувофиқ жами 1698 туп ҳар хил турдаги манзарали дарахтлар хатловдан ўтказилди. Буларнинг ҳаммаси қимматбаҳо дарахт навларига киради. Шунингдек, Тошкент экология бошқармасига боғдаги дарахтларнинг кесилиши бўйича ариза келиб тушмаган», — дейди Абдурашид Содиқов.
Эслатиб ўтамиз, Ўзбекистон мустақиллигининг 30 йиллигига бағишлаб «Истиқлол» мажмуасини қуриш ва унда «мустақилликнинг моҳияти ва улкан тарихий аҳамиятини акс эттирувчи монументал композиция»ни яратиш Президентнинг 2020 йил 17 декабрдаги фармонида кўзда тутилган эди. Мажмуани барпо этиш жойи сифатида Шароф Рашидов, Ислом Каримов ва Афросиёб кўчалари оралиғида, Марказий универмаг (ЦУМ) қаршисидаги ҳудуд танланган.
Мавзуга доир:
Изоҳ (0)