Британияда соғлиғи сабаб пенсияга чиқмоқчи бўлган 80 ёшли газета тарқатувчига электровелосипед совға қилинди. Энди у ўзининг севимли ишини давом эттира олади

Велосипед ишлаб чиқариш билан шуғулланувчи Raleigh and Evans Cycles фирмаси 80 ёшли газета тарқатувчига электровелосипед совға қилди, деб хабар беради Meduza.

80 ёшли Жорж Бэйли — Буюк Британиядаги энг кекса газета тарқатувчилардан бири. У ўзининг биринчи газетасини 11 ёшида тарқата бошлаган. Улғайгач, Бэйли биржа маклери бўлиб ишлай бошлаган. Бироқ пенсияга чиққач, яна севимли иши — газета тарқатиш билан шуғулланишни исташини тушунган.

Сўнгги вақтларда Бэйлининг соғлиғида муаммолар юзага келган. Узоқ сайрлар олдингидек осон кечмаган. Шунда у ишдан кетиш ҳақида ўйлай бошлаган.

Бироқ мажбурий пенсия борасидаги фикрлар орта қолган — Raleigh and Evans Cycles фирмаси британияликнинг муаммоасидан хабар топиб, унга электровелосипед совға қилган. Бэйли — бутунлай ҳайратда. Унинг сўзларига кўра, эркакнинг «янги ҳаёти» бошланган: «Замонавий технологиялар ёрдамида ўзим яхши кўрган иш билан шуғулланишни давом эттира олишимни билиш — бу фантастика».

Бэйли янги электровелосипед ёрдамида 90 ёшида ҳам газета тарқатишига умид қилмоқда.