Britaniyada sog‘lig‘i sabab pensiyaga chiqmoqchi bo‘lgan 80 yoshli gazeta tarqatuvchiga elektrovelosiped sovg‘a qilindi. Endi u o‘zining sevimli ishini davom ettira oladi

Velosiped ishlab chiqarish bilan shug‘ullanuvchi Raleigh and Evans Cycles firmasi 80 yoshli gazeta tarqatuvchiga elektrovelosiped sovg‘a qildi, deb xabar beradi Meduza.

80 yoshli Jorj Beyli — Buyuk Britaniyadagi eng keksa gazeta tarqatuvchilardan biri. U o‘zining birinchi gazetasini 11 yoshida tarqata boshlagan. Ulg‘aygach, Beyli birja makleri bo‘lib ishlay boshlagan. Biroq pensiyaga chiqqach, yana sevimli ishi — gazeta tarqatish bilan shug‘ullanishni istashini tushungan.

So‘nggi vaqtlarda Beylining sog‘lig‘ida muammolar yuzaga kelgan. Uzoq sayrlar oldingidek oson kechmagan. Shunda u ishdan ketish haqida o‘ylay boshlagan.

Biroq majburiy pensiya borasidagi fikrlar orta qolgan — Raleigh and Evans Cycles firmasi britaniyalikning muammoasidan xabar topib, unga elektrovelosiped sovg‘a qilgan. Beyli — butunlay hayratda. Uning so‘zlariga ko‘ra, erkakning “yangi hayoti” boshlangan: “Zamonaviy texnologiyalar yordamida o‘zim yaxshi ko‘rgan ish bilan shug‘ullanishni davom ettira olishimni bilish — bu fantastika”.

Beyli yangi elektrovelosiped yordamida 90 yoshida ham gazeta tarqatishiga umid qilmoqda.