Америкалик эркак автотураргоҳда жой банд қилишнинг антиқа йўлини ўйлаб топди (фото)

Чикаголик ёзувчи ва гид Адам Сельцер автотураргоҳни банд қилиш учун музлатилган жинсилардан фойдаланган.

Ҳафта бошида Чикагода қор ёғган. Ҳамма иссиқ уйидан чиқмай ўтирган бир вақтда Адам ўзига хос флешмоб бошлаб юборган.

Polar vortex fun: pants with nobody inside them! Soak a pair, put outside. In about 20 minutes you can form them to shape, and in another 20 they’re solid. pic.twitter.com/RVAHjJpFtA

— adamselzer 🧵 | אדם (@adamselzer) February 6, 2021

У автотураргоҳ, йўл ва ҳатто машиналар тўхташи мумкин бўлмаган жойларда музлатилган жинси тургани акс этган суратлар билан бўлишган. Кадрларга назар ташлаб, унда худди фақатгина жинси кийиб олган кўринмас одам бордек тасаввурга эга бўлиш мумкин.

Сельцер бунинг учун жинсини ҳўллаш ва шакл бериш учун 20 дақиқа давомида совуқда тутиш кераклигини таъкидлаган. Яна деярли 20 дақиқадан кейин эса жинси музлайди.

Аслида бу йўл билан автотураргоҳдаги жойни эгалламоқчи бўлмагани, шунчаки, кулгили ва ажойиб суратлар олмоқчи бўлганини таъкидлаган Адам, энди кўйлак музлатиб кўрмоқчилигини маълум қилган.

Ёзувчининг ушбу ғоясидан илҳомланган айрим инсонлар ушбу флешмобни такрорлаб кўрган, дейилади хабарда.