Россиялик рэпер Моргенштерн 14 февраль куни севган қизи Дилара Зинатуллинага нархи 13 минг долларни ташкил қиладиган соат туҳфа қилди. Бу ҳақда People Talk хабар берди.
Моргенштерннинг «Cristal & МОЁТ» номли қўшиғи клипида чиқиб улгурган Дилара у билан барча тадбир ва зиёфатларга биргаликда ташриф буюради. Севгисини изҳор қилиш учун хонанда Швейцариянинг Patek Philippe брендидан қимматбаҳо соат совға қилишни лозим топган.
Асл исми Алишер бўлган рэпер севгилиси билан 2017 йилда зиёфатлардан бирида танишган. Биргаликдаги илк сурати билан Instagram саҳифасида бўлишган жуфтлик кўп ўтмай муносабатларига нуқта қўйгани ҳақида хабар тарқалган. Аммо бироз муддатдан кейин топишиб олган жуфтлик вақтини бирга ўтказа бошлаган ва Егор Криднинг туғилган кунига ҳам биргаликда ташриф буюрган.
Эслатиб ўтамиз, Моргенштерн Instagram саҳифаси орқали танлов ўтказганида ўзбекистонлик иштирокчи ғолиб бўлган. Шундан кейин рэпер Бухорога ташриф буюриб, Mercedes автомобилини бухоролик Азим Абдуллаевга тантанали тарзда топширган.
Мавзуга доир:
- Россиялик рэпер Моргенштерн бухоролик Азим Абдуллаевга Mercedes’ини топшириш учун Ўзбекистонга келди (видео)
- «‘Растаможка’ машина нархидек экан». Россиялик рэпер ўз Mercedes’ини бухоролик йигитга совға қилиш учун Ўзбекистонга келмоқчи
- Россиялик рэпер Моргенштерн бухоролик йигитга совға қилган Mercedes’ни Ўзбекистонга олиб кириши учун қанча божхона божи тўлаши ҳисоблаб чиқилди
Изоҳ (0)