AQShda beshta aeroport qor bo‘ronlari va sovuq ob-havo tufayli yopildi

AQShning beshta aeroporti sovuq ob-havo va qor bo‘ronlari fonida o‘z faoliyatini to‘xtatdi, deb xabar beradi Simple Flying.

Texas, Luiziana va Missisipi shtatlaridagi keskin sovuq va ob-havoning yomonlashishi tufayli ikkita xalqaro va uchta mintaqaviy aeroport yopildi va faoliyatini to‘xtatdi. Xuddi shu sababga ko‘ra mamlakatda 3,7 mingdan ortiq reys bekor qilindi.

Jorj Bush nomidagi mintaqalararo aeroportning Twitter’dagi sahifasida aerodrom Toshkent vaqti bilan soat 02:00 ga qadar yopiq bo‘lishi haqida e’lon qilindi. Shuningdek, yo‘lovchilardan aeroportga kelmaslik so‘ralgan.

UPDATE: The airfield will remain closed until at least 1pm Tuesday 2/16. Passengers are asked to refrain from coming to the airport. https://t.co/kj0BE0slYa

— Bush Airport (@iah) February 15, 2021

Dallasdagi Fort-Uert xalqaro aeroporti ham sovuq harorat sabab parvozlarni bekor qildi. Skylink yengil temiryo‘l tizimi ham o‘z faoliyatini vaqtincha to‘xtatdi.

🚝 Due to the low temperatures, both Skylink Loops are on hold indefinitely. Passengers may utilize Terminal Link buses from the curbside or walk between Terminals A and C, Terminals B and D.
We apologize for any inconvenience. pic.twitter.com/fPAPEmUOka

— DFW Airport (@DFWAirport) February 15, 2021

Sovuq havo mamlakatdagi to‘rt milliondan ziyod odamni, shu jumladan, Texas shtatida 3,6 milliondan ziyod odamni elektr energiyasisiz qoldirdi. Dallasda termometr selsiy bo‘yicha minus 15, Oklaxoma shahrida minus 21, Kanzas shahrida minus 35 darajani ko‘rsatmoqda. Mahalliy OAVning xabar berishicha, mazkur havo harorati ushbu shaharlarda 1989-yildan beri kuzatilmagan edi.

Bundan avval Texasda kuzatilgan rekord darajadagi sovuq ob-havo WTI markasidagi neftning narxiga ta’sir qilgani, Texasda milliondan ortiq aholi sovuq havo va bo‘ron sababli chiroqsiz qolgani hamda Istanbulda kuchli qor yog‘ishi tufayli barcha o‘quv muassasalari yopilgani haqida xabar berilgandi.