Россиянинг Ханти-Мансийск автоном округидаги Сургут шаҳрида яшовчи фуқаро 170 та операция орқали фирибгарларга пул топширган. У 23 минг долларни сарфлагандан сўнггина алданганини англаб етган. Бу ҳақда Esquire хабар берди.
Хабарга кўра, фирибгар фуқарога қўнғироқ қилиб, ўзини банк хавфсизлик ходими деб таништирган ва унинг ҳисоб рақамидаги маблағларнинг ўғирланишига йўл қўймаслик кераклигини таъкидлаган.
Шундан сўнг фирибгарлар жабрланувчини таҳдид жиддийлигига ишонтириш учун навбатчи қисмнинг расмий рақамидан қўнғироқ қила бошлайди, ўзларини полиция ходими деб атайди. Бунинг учун улар рақамларни сохталаштириш технологиясидан фойдаланган. Шунингдек, маблағни нақдлаштириб, уларни захира ҳисоб рақамига ўтказиш орқали пул ўғирланишининг олдини олиш кераклигини сўраган.
«Омонатидан хавотир олган эркак турли хил банк ҳисоб рақамларига маблағ ўтказиш учун 170 дан ортиқ операцияларни амалга оширди ва салкам 23 минг доллар пул йўқотган. Жабрланувчи юқорида кўрсатилган маблағдан 2700 долларни кредитга олган», − дея хабар беради Ички ишлар вазирлиги. Ҳуқуқбузарлик ҳолатлари юзасидан фирибгарлик моддаси бўйича жиноий иш қўзғатилган.
Мавзуга доир:
- Янги машинасида йўл транспорт ҳодисасига учраган эркак шу куни лотереядан 2 миллион доллар ютиб олди
- Канадада жиноят жойидан қочмоқчи бўлган ўғрининг машинаси қор уюмига тиқилиб қолди (видео)
- Москвада «Росгвардия» ходимлари Қорбобонинг мурожаати бўйича етиб келиб, Ялмоғиз кампирни қўлга олди (видео)
Изоҳ (0)