Соғлиқни сақлаш вазирлиги ижтимоий тармоқларда Термиз шаҳрида олти нафар эгизак — тўрт нафар қиз, икки нафар ўғил туғилганлиги ва бу Ўзбекистон учун рекорд кўрсаткич экани ҳақидаги тарқалган хабарларни рад этди.
«Бу хабар ҳақиқатга зид. Термиз шаҳри ва туманида бундай туғилиш қайд этилмаган. Охирги кўп фарзанд туғилиши ҳудудимизда 3 февраль куни бўлган, яъни Ангор туманида 1990 йилда туғилган Маҳбуба Абдумуродова шу куни уч фарзандини кесарча кесиш йўли орқали дунёга келтирган. Биринчи фарзанди қиз (вазни 2950 грамм, бўйи 49 см), иккинчиси ўғил (вазни 2900 грамм, бўйи 47 см) ва учинчиси ҳам ўғил (2200 грамм бўйи 46 см). Ҳозирда уларнинг аҳволи қониқарли деб баҳоланмоқда», — дейди Сурхондарё вилоят соғлиқни сақлаш бошқармаси бошлиғи Комил Абдувоҳидов.
Аввалроқ 2020 йилда Қашқадарё вилояти Деҳқонобод туманида уч эгизак қизалоқ туғилгани ва ушбу туманда эгизакларнинг туғилиши охирги маротаба 33 йил илгари қайд этилгани тўғрисида хабар берилганди.
Изоҳ (0)