Бокс бўйича ярим оғир вазн тоифасида WBA Super, IBF, WBO чемпионлик камарларининг собиқ соҳиби, россиялик Сергей Ковалёв (34-4-1, 29 КО) ўзбекистонлик боксчи Бектемир Мелиқўзиевнинг (7-0, 6 КО) Морган Фитч устидан қозонган ғалабаси ҳақида фикр билдирди ва унинг промоутери Андрей Рябинскийга мурожаат қилди.
«Ўзбекистонлик ‘буқа’ учун ташкил қилинган жанг борасида ҳаммаси тушунарли. Яна йигитнинг она сути оғзидан кетмагани ҳам кўринди.
Рингдаги биринчи тўқнашувдаёқ уни янчиб ташлайман. Ҳурматли Андрей Рябинскийдан эса тўйдан олдин ноғора чалмасликни сўрайман», — дея ёзади Ковалёв.
Аввалроқ Рябинский Ковалёв ва Мелиқўзиев ўртасидаги эҳтимолий жангда ўзбекистонлик боксчи ғалаба қозонишини айтганди.
Бектемир Мелиқўзиевнинг профессионал боксдаги 7 та жангини бу ерда томоша қилиш мумкин — видео.
Эслатиб ўтамиз, Бектемир Мелиқўзиев аслида 30 январь куни Ковалёв билан жанг қилиши лозим эди. Бироқ Ковалёвда допинг аниқлангани боис жанг бекор қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)