«Лейпциг» ҳимоячиси Даё Упамекано фаолиятини «Бавария»да давом эттиради.
Мюнхенликлар клуби франциялик футболчи билан 2026 йилнинг июнига қадар мўлжалланган шартнома тузилганини эълон қилди. Франциялик футболчи 2021 йилнинг 1 июлида «Бавария» сафига қўшилади.
«Лейпциг»нинг маълум қилишича, «Бавария» футболчининг шартномасида кўрсатилган товон пули ҳақидаги бандни фаоллаштирган. Аввалроқ бу миқдор 42,5 миллион еврони ташкил қилиши айтилганди.
22 ёшли футболчи марказий ҳимоя чизиғида тўп суради. Упамекано профессионал футболдаги фаолиятини Австриянинг «Зальцбург» клубида бошлаган ва 2017 йилнинг январида «Лейпциг» сафига ўтганди. Transfermarkt маълумотларига кўра, футболчининг трансфер қиймати 60 миллион еврога тенг.
Даё Бундеслига 2020/21 йилги мавсумида 19 та ўйин ўтказиб, битта гол уришга эришди.
Эслатиб ўтамиз, Упамеканога «Манчестер Юнайтед», «Ливерпуль», «Челси», ПСЖ ва «Реал» каби жамоалардан қизиқиш бўлганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)