Афғонистон ва Эрон чегарасида жойлашган божхона постида 500 дан ортиқ транспорт воситаси ёниб кетди. Бу ҳақда Tengrinews хабар берди.
Ҳодиса ғарбий Ҳирот вилоятидаги Исломқалъа шаҳрида жойлашган божхонада содир бўлган. Қайд этилишича, бензин ташувчи автомобиль («бензовоз»)нинг портлаши ёнғинни келтириб чиқарган бўлиши мумкин. Ёнғиннинг умумий майдони, тахминан, 20 минг квадрат метрни ташкил этган. Ҳодиса натижасида 500 га яқин юк машинаси ёниб кетган: шулардан камида 70 таси Эронга тегишли бўлиб, камида 20 киши жароҳат олган.
#AFG fuel tankers exploding. Investors losing their money in a matter of seconds. Financial tragedy on the Afghan - Iran border. No one knows what started the fire. No reports of casualties or fatalities at this stage. Video shared with me. pic.twitter.com/hb127UqSv5
— BILAL SARWARY (@bsarwary) February 13, 2021
Эроннинг фавқулодда вазиятлар вакили Моҳсен Нежатнинг айтишича, мамлакат ҳукумати ёнғинни ўчиришга ёрдам бериш учун 21 та тез ёрдам машинаси ва 20 та ўт ўчирувчи машина юборган. Тўполондан фойдаланган маҳаллий аҳоли вазият назорат остига олинмасдан олдин оммавий равишда чегарани кесиб ўтишни бошлаган.
Afghan officials say at least 8 people have been injured after explosion hits tankers at Eslam Qaleh customs post in #Afghanistan Herat province near border with #Iran. Massive damage is also reported. Cause of incident is still unknown. pic.twitter.com/HbNJmfYnRY
— Habib Abdolhossein (@HAbdolhossein) February 13, 2021
Ғарбий Ҳирот вилояти губернатори Воҳид Катали ёнғинни ўчиришда Эрон ҳукумати ва мамлакатда жойлашган НАТО кучлари вакилларидан ёрдам сўрашга мажбур бўлганини айтди.
Бундан ташқари, ёнғин натижасида қўшни давлатдан электр энергияси олиб келинадиган электр узатиш линияси зарар кўрган. Натижада Ҳиротда электр энергияси билан боғлиқ муаммолар бошланган.
Video circulating of the aftermath of the fuel tanker explosion on border between #Afghanistan and #Iran. pic.twitter.com/wf9cISorXl
— Jason Brodsky (@JasonMBrodsky) February 14, 2021
«Дастлабки ҳисоб-китобларга кўра, ёнғин 50 миллион доллардан зиёд зарар етказган», — дейди Ҳирот савдо-саноат палатаси раҳбари Юнус Қозизода.
Ҳодисанинг сабаби ҳозирча номаълум, ҳолат юзасидан тергов бошланган. Воҳид Каталининг айтишича, тергов гуруҳи ҳудудда олинган барча видеоларни текшириб чиқади. Ёнғин натижасида божхона пункти бутунлай вайрон бўлгани учун айни пайтда тергов иши мураккаблашмоқда.
12 февраль куни АҚШнинг Техас штатидаги трассада содир бўлган йўл-транспорт ҳодисасида камида 130 та машина тўқнашгани ҳақида хабар берилганди. Ҳалок бўлганлар сони олти кишига етган ва яна 36 киши турли даражадаги жароҳатлар билан касалхоналарга ётқизилган.
Изоҳ (0)