Afg‘oniston va Eron chegarasida joylashgan bojxona postida 500 dan ortiq transport vositasi yonib ketdi. Bu haqda Tengrinews xabar berdi.
Hodisa g‘arbiy Hirot viloyatidagi Islomqal’a shahrida joylashgan bojxonada sodir bo‘lgan. Qayd etilishicha, benzin tashuvchi avtomobil (“benzovoz”)ning portlashi yong‘inni keltirib chiqargan bo‘lishi mumkin. Yong‘inning umumiy maydoni, taxminan, 20 ming kvadrat metrni tashkil etgan. Hodisa natijasida 500 ga yaqin yuk mashinasi yonib ketgan: shulardan kamida 70 tasi Eronga tegishli bo‘lib, kamida 20 kishi jarohat olgan.
#AFG fuel tankers exploding. Investors losing their money in a matter of seconds. Financial tragedy on the Afghan - Iran border. No one knows what started the fire. No reports of casualties or fatalities at this stage. Video shared with me. pic.twitter.com/hb127UqSv5
— BILAL SARWARY (@bsarwary) February 13, 2021
Eronning favqulodda vaziyatlar vakili Mohsen Nejatning aytishicha, mamlakat hukumati yong‘inni o‘chirishga yordam berish uchun 21 ta tez yordam mashinasi va 20 ta o‘t o‘chiruvchi mashina yuborgan. To‘polondan foydalangan mahalliy aholi vaziyat nazorat ostiga olinmasdan oldin ommaviy ravishda chegarani kesib o‘tishni boshlagan.
Afghan officials say at least 8 people have been injured after explosion hits tankers at Eslam Qaleh customs post in #Afghanistan Herat province near border with #Iran. Massive damage is also reported. Cause of incident is still unknown. pic.twitter.com/HbNJmfYnRY
— Habib Abdolhossein (@HAbdolhossein) February 13, 2021
G‘arbiy Hirot viloyati gubernatori Vohid Katali yong‘inni o‘chirishda Eron hukumati va mamlakatda joylashgan NATO kuchlari vakillaridan yordam so‘rashga majbur bo‘lganini aytdi.
Bundan tashqari, yong‘in natijasida qo‘shni davlatdan elektr energiyasi olib kelinadigan elektr uzatish liniyasi zarar ko‘rgan. Natijada Hirotda elektr energiyasi bilan bog‘liq muammolar boshlangan.
Video circulating of the aftermath of the fuel tanker explosion on border between #Afghanistan and #Iran. pic.twitter.com/wf9cISorXl
— Jason Brodsky (@JasonMBrodsky) February 14, 2021
“Dastlabki hisob-kitoblarga ko‘ra, yong‘in 50 million dollardan ziyod zarar yetkazgan”, — deydi Hirot savdo-sanoat palatasi rahbari Yunus Qozizoda.
Hodisaning sababi hozircha noma’lum, holat yuzasidan tergov boshlangan. Vohid Katalining aytishicha, tergov guruhi hududda olingan barcha videolarni tekshirib chiqadi. Yong‘in natijasida bojxona punkti butunlay vayron bo‘lgani uchun ayni paytda tergov ishi murakkablashmoqda.
12-fevral kuni AQShning Texas shtatidagi trassada sodir bo‘lgan yo‘l-transport hodisasida kamida 130 ta mashina to‘qnashgani haqida xabar berilgandi. Halok bo‘lganlar soni olti kishiga yetgan va yana 36 kishi turli darajadagi jarohatlar bilan kasalxonalarga yotqizilgan.
Izoh (0)