Сиёсатчи Алексей Навальнийни заҳарлаб унга суиқасд уюштиргани гумон қилинган федерал хавфсизлик хизматидаги бир гуруҳ ходимлар яна бир неча кишини ўлдиришга, журналист ҳамда сиёсатчи Владимир Кара-Мурзани 2015- ва 2017 йилларда заҳарлашга уринган. Bellingcat ва The Insider суриштирувида ФХХ ходимлари Кара-Мурзанинг ортидан кузатиб юрганлиги аниқланган. Бу ҳақда Meduza хабар берди.
Дастлабки заҳарланишСуриштирув муаллифларининг аниқлашича, ФХХ ходимлари Кара-Мурзани уч ой давомида у уюштирган саёҳатларда кузатиб юрган. У 2015 йил май ойида заҳарланганди. Ушбу давр давомида махсус хизмат ходимлари сиёсатчи билан бирга Томск, Санкт-Петербург, Калининград ва Қозон шаҳарларини айланган.
Тўртала сафарда ҳам аввал сиёсатчи Никита Исаевни кузатгани фош бўлган Александр Самофал иштирок этган. Константин Кудрявцев ҳам тўрт шаҳарнинг бирида Кара-Мурзани кузатган.
Мавзуга доир: Навальнийни заҳарлаганларнинг бошқа фаоллар ва сиёсатчилар ўлимига ҳам эҳтимолий алоқадорлигини журналистлар текширмоқда
Кара-Мурза шу йили 27 майда Калининградга давра суҳбатига йўл олишни режалаштирганди ва 26 майда заҳарланмаган тақдирда у ерга борарди. Владимирни кузатган ва аввалги саёҳатларда унинг ортида юрган махсус хизмат вакиллари ушбу шаҳарга бориш учун чипта ҳам банд қилмаган. Улар катта эҳтимол билан сиёсатчининг 26 майда заҳарланишидан хабардор бўлган ва бунга тайёргарлик кўрган.
Кара-Мурза шифохонага ётқизилганидан кейин унга юрак етишмовчилиги ташхиси қўйилган. Муаллифлар ушбу воқеа Навальний билан Омскда юз берган ҳодисага жуда ўхшаб кетишини таъкидлаган. Касалхона бош шифокори Кара-Мурза хорижга олиб кетиб даволашга ҳали тайёр эмаслигини айтган, сирли манбалар эса матбуотга унинг антидепрессантларни меъёридан ортиқ истеъмол қилганлиги ҳақидаги ёлғон ахборот сиздирилган.
Иккинчи заҳарланишКара-Мурза адвокатининг айтишича, хориждан таклиф этилган шифокор сиёсатчининг соғайиб кетишига 5 фоиз ишонишини айтган бўлса ҳам у аста-секин тузала бошлаган. Кара-Мурза яна мамлакат бўйлаб саёҳат қилишни бошлагач, Федерал хавфсизлик хизмати ходимлари уни яна кузата бошлаган. 2016 йилда улар журналист ортидан Қозон, Санкт-Петербург ва Нижний Новгородга борган.
Кара-Мурза 2017 йил 2 февралида иккинчи марта заҳарланган. Суриштирувда навбатдаги заҳарланишга ФХХ ходимларининг аввалги ҳолатдаги каби алоқадорлиги юзасидан маълумот келтирилмаган. Муаллифлар заҳарнинг тиш тозалаш воситасига суртилган бўлиши мумкинлигини тахмин қилган.
Суриштирувга кўра, журналист уйдан чиққанидан тахминан саккиз соат ўтганидан кейин соғлиғида ёмон ўзгаришлар борлигини сезган, бундай узоқ оралиқдаги танаффус кўпчиликка маълум заҳарларга хос эмас. Эҳтимол, юқори сценарийлардан бири заҳарнинг тиш тозалаш чўткасига суртилганлиги бўлиши мумкин. Ички кийимдаги каби бунда ҳам умуман шахсий гигиена воситаларининг деярли ҳаммасида заҳарлашни амалга ошириш мумкин, бунда учинчи одамнинг иштирокини топиш жуда мушкул. Кара-Мурза ўша куни аҳволи ёмонлашишидан 3-4 соат аввал тишларини ювган.
Кара-Мурза иккинчи марта заҳарланганидан кейин унинг рафиқаси Евгения касалхонадан эрининг қон таҳлилларини олиб, уларни ФҚБ агентларига берган. Аёлга таҳлиллар лабораторияда текширилиши ваъда қилинган, бироқ кейинчалик ФҚБ текширувлар натижасини беришдан бош тортган. Суд ФҚБнинг аккредитациядан ўтган бўлинмасидан бу борада маълумот беришни сўраганида улар ҳисоботнинг муайян қисмини ошкор қилиб, қолган ахборотлар махфийлигини билдирган. Ошкор қилинган маълумотларда Кара-Мурза атайин заҳарлангани бўйича хулосалар берилган, бироқ айнан қайси кимёвий модда ёрдамида бу иш амалга оширилгани сир сақланган.
Мазкур ишга доир эълон қилинган ахборотларда махфийлик сабабини изоҳлаши мумкин бўлган муайян важлар мавжуд. Ошкор қилинган ҳужжатларнинг бирида 2018 йил январда Вашингтонга ФҚБ директори Кристофер Рей билан суҳбатлашиш мақсадида бир киши келиши айтилганди.
The Insider ҳамда Bellingcat 2018 йил январь охирида АҚШга ФХХ директори Александр Бортников, Ички разведка бошқармаси раҳбари Сергей Наришкин ва давлат разведка бошқармаси бошлиғи Игор Коробов борган. Суриштирув муаллифлари улардан бири Рей билан учрашганини тахмин қилган.
«Кара-Мурза ишига алоқадор ҳужжатларда мазкур учрашув ҳақида эслатмалар учрайди. Бу масаланинг учрашувда муҳокама қилингани таҳлилларнинг асосий қисми сир сақланишига алоқадор бўлиши ҳам мумкин», — дейилган мақолада.
Изоҳ (0)