«Муҳташам юз йил» сериали бир зумда дунё бўйлаб машҳурликка эришди. Ва ҳанузгача севиб томоша қилинмоқда. Ушбу жанр мухлислари учун турк кинематографиясининг энг муваффақиятли яна 7 сериалини ҳам томоша қилиш тавсия этилади.
«Абдулҳамид: Сўнгги император»
«Абдулҳамид: Сўнгги император» сериали Усмонлилар султони Абдулҳамид II ҳукмдорлигининг сўнгги 13 йиллиги ҳақида ҳикоя қилади. Баъзилар уни «қонхўр ҳукмдор», бошқалар эса «буюк султон» деб атайди. Аммо жамоатчиликнинг бундай икки томонлама муносабати унинг сиёсий фаолиятида ва давлатни бошқаришда фаол бўлишига тўсқинлик қилмаган. Шунингдек, сериалда султон ҳукмдорлик қилган вақтда юз берган бир қанча воқеалар ҳақида гап боради. Гарчи суратга олиш гуруҳи жуда кўп тарихий ноаниқликларда айбланганига қарамай, лойиҳанинг ҳажми, унда иштирок этган актёрлар сонини эътибордан четда қолдириб бўлмайди.
«Меҳмед: Бир жаҳон фотиҳи»
«Меҳмед: бир жаҳон фотиҳи» сериали буюк султон ҳаётини тасвирлайди. Воқеалар XV асрда рўй берган, 19 ёшли Меҳмед Усмонли империясининг ҳукмдори бўлади. Ёшлиги туфайли у нафақат душманларнинг, балки дўстларнинг ҳам танқидига учрайди. Бироқ бир неча йилдан сўнг Константинополни забт этган ва ҳал қилувчи доно ҳукмдор сифатида тарихга кирган.
«Эртуғрул»
«Эртуғрул» сериалини баъзи томошабинлар «Тахтлар ўйини»нинг туркча версияси сифатида ҳам қабул қилди. Сериал XIII асрда Усмонли империясининг ташкил топиши ҳамда унинг ҳукмдори Эртуғрул ҳақида. Кўплаб юриш ва ғалабалардан ташқари ҳукмдор мағлубиятга ва қийин вазиятларга дуч келади. Сериалда асосий ролни Энгин Алтан ижро этган. Актёр икки маротаба лойиҳада иштирок этишдан бош тортган, чунки фильмнинг муваффақиятга эришишига унчалик ҳам кўзи етмаган. Бироқ юқори рейтинг ва нуфузли мукофотлар бунинг аксини исботлаган.
«Қурилиш: Усмон»
Ушбу сериал «Эртуғрул»нинг давоми бўлиб, бош қаҳрамон – Эртуғрулнинг ўғли Усмон I Ғозий. Султон ҳам мардликда отасидан қолишмайди, Византиянинг бир қисмини эгаллаб, империя чегараларини сезиларли даражада кенгайтира олган. Ҳукмдор ролини Бурак Ўзчивит ижро этган бўлиб, у аввал «Чолиқуши», «Муҳташам юз йил» ҳамда «Севги изтироби» фильмлари орқали машҳурликка эришган. Сериал кўплаб томошабинлар кўнглини забт эта олди.
«Кўсем»
«Кўсем» сериали 2015 йилда намойиш этилган ва айрим томошабинлар уни «Муҳташам юз йил»дан ҳам кўра қизиқ ва драматик деб билади. Сериал Усмонли империяси тарихидаги энг нуфузли аёллардан бирига айланган Султон Аҳмад I нинг рафиқаси Кўсем ҳаёти ҳақида ҳикоя қилади.
Узоқ тайёргарликдан сўнг ижодий гуруҳ XVII аср атмосферасини яратишга ва ўша вақтни ишончли тарзда кўрсатадиган манзара ва либосларни тиклашга муваффақ бўлган. Ҳар бир бўлим 2 соатдан иборат бўлиб, сюжет қизиқлигидан вақт ўтганини сезмай қолиш ҳам мумкин.
«Юрагимнинг султони»
«Юрагимнинг султони» сериали Усмонли империяси султони Маҳмуд II ва француз тили ўқитувчиси Анна ҳақида ҳикоя қилади. Султоннинг болаларига дарс бериш учун Истанбулда яшашга қарор қилган Анна ҳарам томонидан кўплаб қийинчиликлар ва фитналарга қарамай, саройда ишлашни давом эттиради. Орадан вақт ўтгач эса султонга нисбатан бошқа ҳис-туйғулари пайдо бўлади.
«Изқувар Филинта»
Сериал XIX асрда Усмонли империяси даврида яшаган Филинта Мустафо ҳақида ҳикоя қилади. Бош қаҳрамон хавфли жиноятларни очиш билан шуғулланади ва ҳаётини бусиз тасаввур эта олмайди. Шунингдек, сюжетда муҳаббат чизиғи ҳам мавжуд бўлиб, унинг қалбини забт этган Лара билан учрашади.
«Изқувар Филинта»нинг премьераси 2014 йил бўлиб ўтган ва кейинчалик энг яхши турк сериалига айланган. Лойиҳа мухлислари орасида Туркия президенти Ражаб Тоййиб Эрдўған ва унинг рафиқаси Эмине ҳам бўлган, улар ҳаттоки суратга олиш майдончасига ҳам ташриф буюрган.
Изоҳ (0)