Молекуляр биологлар шарқий Таиланддаги ғорда яшовчи кўршапалаклар қонида коронавирус зарраларини топди, улар геном тузилиши бўйича SARS-CoV-2’га ўхшаш бўлиб чиқди. Мутахассислар янги вирусга RacCS203 деб ном берди, деб ёзади Nature Communications.
«SARS-CoV-2 вирусининг аниқ келиб чиқиши ҳанузгача сир бўлиб қолмоқда, аммо бизнинг тадқиқотимиз Япониядан Таиландгача бўлган 4,8 минг километрлик майдонни эгаллаб олади. Шубҳасиз, биз COVID-19 қўзғатувчисининг тўғридан-тўғри аждодларини топиш учун трансчегаравий кузатувларни ўтказишимиз керак», – деб таъкидлади тадқиқотчилар.
Уларнинг таъкидлашича, вирус бешта кўршапалакда тасдиқланган. Илмий ишларга кўра, янги коронавирус SARS-CoV-2 вирусига 91,5 фоизга ўхшашдир.
Олимларнинг таъкидлашича, SARS-CoV-2 аждоди ўтган асрнинг ўрталарида Шарқий Осиёдаги кўршапалаклар орасида ёйила бошлаган.
Энди мутахассислар ҳайвонларда COVID-19 эпидемиясининг қўзғатувчиси сингари одамларга юқиши мумкин бўлган коронавируслар қанчалик тез-тез учраши ва нега улар илгари инсониятга юқмаганлигини аниқлашни хоҳламоқда.
Мавзуга доир:
- Коронавирус лабораторияда яратилмаган. У одамга қандайдир ҳайвондан юққан бўлиши мумкин. Уханга бориб келган ЖССТ экспертлари ўз хулосаларини маълум қилди
- ЖССТ экспертлари коронавирус юқтиришнинг тўрт хил йўлини аниқлади
- ЖССТ мутахассиси Ухань шаҳрида COVID-19 келиб чиқишига оид муҳим далиллар топилганини маълум қилди
Изоҳ (0)