Европа Лигасининг 1/16 финали илк баҳсидан ўрин олган «Реал Сосьедад» ва «Манчестер Юнайтед» жамоалари ўртасидаги баҳс Испанияда бўлиб ўтмайди.
УЕФА учрашувни Италиянинг Турин шаҳрига кўчирилганини маълум қилди. Бунга Испания коронавируснинг янги штамми сабаб Буюк Британиядан келувчиларга тақиқ қўйгани сабаб бўлган.
Шу тариқа ушбу жамоалар ўртасидаги илк учрашув 18 февраль куни «Ювентус»нинг уй стадиони — «Альянс Стедиум»да бўлиб ўтади. Жавоб баҳси 25 февраль куни «Олд Траффорд»да ўтиши белгиланган.
Аввалроқ шу сабабларга кўра Чемпионлар Лигаси доирасидаги «Лейпциг» — «Ливерпуль» ва «Боруссия М» — «Манчестер Сити», шунингдек, Европа Лигасидан ўрин олган «Молде» — «Ҳоффенҳайм» учрашувлари жойи ўзгарганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)