Ўзбекистонда 1 мартдан бошлаб Баҳрайн, Қатар, Кувайт, Уммон ва Хитой, шу жумладан, Гонконг ва Макао махсус маъмурий ҳудудлари фуқароларига 10 кунлик визасиз режим жорий этилади.
Бу ҳақда 9 февраль куни имзоланган «Ўзбекистон Республикасида ички ва зиёрат туризмини янада ривожлантириш чора-тадбирлари тўғрисида»ги Президент фармонида кўзда тутилган.
Бунинг учун ушбу давлатлар фуқаролари ўзининг ёки учинчи мамлакатга учиш авиачиптасини тақдим қилиши лозим.
Шунингдек, фармонга кўра, 2019 йил 12 сентябрдаги «Хитой Халқ Республикаси, шу жумладан Хитой Халқ Республикасининг Гонконг махсус маъмурий ҳудуди фуқаролари учун Ўзбекистон Республикасига киришда визасиз режимни белгилаш тўғрисида»ги Президент фармони 1 мартдан бошлаб ўз кучини йўқотади.
2019 йилда Ўзбекистон Хитой ва Гонконг аҳолиси учун бир ҳафталик визасиз режим жорий этганди.
Изоҳ (0)