E-bay платформасида баскетболчи Майкл Жорданнинг имзоси туширилган Аir Jordan 1 кроссовкалари сотувга қўйилди — бир жуфт оёқ кийим нархи 1 миллион долларга баҳоланмоқда, деб хабар беради Esquire.
Классик қизил-оқ-қора рангли «Чикаго» оёқ кийими Американинг ностандарт — 13,5 ўлчамига эга. Сотувчининг маълум қилишича, ушбу кроссовкалар Майкл Жордан учун махсус яратилган оёқ кийимлардан бири ҳисобланади ва улар сотувга чиқмаган (бу каби ўлчам ҳақиқатда кенг сотувда йўқ — у 1985 йилда спортчи учун махсус яратилган. Жорданнинг имзоси эса расман тасдиқланган.
850204TYPS артикулли кроссовкалар 15-20 нусхада ишлаб чиқарилган. 2020 йилда ушбу тиражга кирувчи янги бўлмаган оёқ кийим аукционда 615 минг долларга сотилган эди.
Аввалроқ АҚШда Майкл Жорданга тегишли бўлган Mercedes-Benz SLR McLaren аукцион орқали қарийб 700 минг долларга сотилгани тўғрисида хабар берилганди.
Изоҳ (0)