Тинч океанида жойлашган Мидуэй оролида яшовчи 70 ёшли Уизд лақабли албатрос (денгиз қуши) бола очди. Орнитолог олимлар Уиздни дунёдаги энг кекса қуш деб ҳисоблайди. Бу ҳақда АҚШ балиқ ва ёввойи ҳайвонларни муҳофаза қилиш хизматининг Тинч океан филиали ўз блогида ёзиб қолдирган, деб хабар беради Rambler.
Маълум қилинишича, қушча 2021 йилнинг 1 февраль куни дунёга келган. Яқин ойларда ота-онасининг ёнида бўладиган қушнинг ёзга қадар учишни ўрганиши кутилмоқда.
Уизд 1956 йилдан буён олимлар кузатувида. Орнитолог олим Чендлер Роббинс қушни ушлаган ва кузатиб туриш учун унинг панжасига рақамли қизил ҳалқа тақиб қўйган. Мидуэй оролига 46 йилдан кейин қайтган қуш шундан буён у ерга кўпайиш учун учиб боради. Кузатув давомида Уизднинг жами 35 марта болалагани маълум бўлган. Бундан 3 йил аввал ҳам мазкур албатроснинг болалагани ҳақида хабар берилганди.
Изоҳ (0)