Ички ишлар вазирлиги ахборот хизмати бош мутахассиси Асатилла Қўчқоров 43 ёшида вафот этди. Бу ҳақда «Постда» нашри хабар берди.
«Ички ишлар вазирлиги Бирлашган таҳририяти жамоаси ИИВ ахборот хизмати бош мутахассиси подполковник Асатилла Қўчқоровнинг бевақт вафоти муносабати билан марҳумнинг қариндош ва яқинларига чуқур таъзия изҳор этади», — дейилади хабарда.
Марҳумнинг ўлимига нима сабаб бўлгани тўғрисида маълумот берилмаган.
Эслатиб ўтамиз, 2020 йилнинг июлида ИИВ Йўл ҳаракати хавфсизлиги бош бошқармаси ахборот хизмати катта мутахассиси, подполковник Зойир Сайдалиев 51 ёшида вафот этганди.
Изоҳ (0)