Ҳиндистонда музлик кўчишидан сўнг бошланган сув тошқини туфайли 150 га яқин киши бедарак йўқолди

Ҳиндистоннинг Уттаракханд штатида 150 га яқин киши тоғдан муз кўчиши оқибатида бедарак йўқолди. Бу ҳақда India TV’га таяниб, «Коммерсантъ» хабар берди.

Сўнгги маълумотларга кўра, Тапован энергетика лойиҳасининг тўғони бузилиши оқибатда тошқин содир бўлган. Жабрланган ҳудудларга қутқарувчилар ва биринчи ёрдам кучлари юборилган, эвакуация ишлари олиб борилмоқда.

https://twitter.com/i/status/1358327917441335296

Риши Ганга ГЭСида ишлаган бир неча ишчи бедарак йўқолган. Уттараханд бош котиби Ом Пракашнинг айтишича, Чамоли округидаги тошқинда 100 нафардан 150 нафаргача киши ҳалок бўлган бўлиши мумкин.

The Times оf India’нинг ёзишича, талафот жойидан қурбонларнинг 10 га яқин жасади топилган.

Бош вазир Нарендра Модининг айтишича, Ҳиндистон Уттарахакндга ёрдам бермоқда ва мамлакат барчанинг хавфсизлиги учун дуода. «Мен Уттаракханддаги нохуш ҳолатни доимий равишда кузатиб турибман. Ҳиндистон Уттаракхандни қўллаб-қувватлайди, мамлакат барчанинг хавфсизлиги учун дуо қилмоқда», — деган у Twitter’даги саҳифасида.