Президент қарорига мувофиқ, Алишер Каримов адлия вазирининг ўринбосари этиб тайинланди. Бу ҳақда Telegram’даги «Ҳуқуқий ахборот» канали хабар берди.
Алишер Каримов 1978 йилда Андижон вилоятида туғилган, маълумоти олий. 1999 йилда Тошкент давлат юридик институти, 2011 йилда Президент ҳузуридаги Давлат ва жамият қурилиши академиясини тамомлаган.
Ўз меҳнат фаолиятини 1999 йилда Ташқи иқтисодий алоқалар вазирлигида (ҳозирги Инвестициялар ва ташқи савдо вазирлиги) Юридик бошқармаси етакчи мутахассиси лавозимидан бошлаган. Ўзбекистоннинг Украинадаги элчихонаси маслаҳатчиси лавозимида ҳам фаолият олиб борган.
Алишер Каримов 2019 йилдан ҳозирги вақтга қадар Адлия вазирлиги Қонунчилик бош бошқармаси бошлиғи лавозимида ишлаб келаётган эди.
Аввалроқ адлия вазири ўринбосари Баҳром Қўчқоров Марказий сайлов комиссияси раиси ўринбосари лавозимига сайлангани тўғрисида хабар берилганди.
Изоҳ (0)