Тошкентнинг Юнусобод туманида Амир Темур шоҳ кўчаси устидан ўтган кўприкнинг бир томони таъмирлаш ишлари сабаб вақтинча ёпилади. Бу ҳақда пойтахт ҳокимлиги матбуот хизмати хабар берди.
«Амир Темур шоҳ кўчаси устидан ўтган кўприкнинг бир томони ‘Юнусобод’ метро бекатидан 7-сон шаҳар клиник шифохонаси йўналишида транспорт ҳаракати учун вақтинча ёпилади», — дейилади хабарда.
Таъкидланишича, бу таъмирлаш ишларини тезроқ якунлаш мақсадида амалга оширилмоқда.
Ишлар 13 февраль куни якунланиши режалаштирилган.
Ҳокимлик вужудга келиши мумкин бўлган тирбандликларнинг олдини олиш мақсадида ҳайдовчиларга айланма йўллардан фойдаланишни тавсия этган.
Аввалроқ мазкур кўприкнинг бир томонидаги таъмирлаш ишлари якунланиб, йўлнинг ёпилган қисми транспортлар ҳаракати учун очилгани тўғрисида хабар берилганди.
Изоҳ (0)