Тошкентнинг Аҳмад Дониш кўчасидаги кўприк 2 ҳафта давомида таъмирланиши, таъмирлаш ишларини тезроқ якунлаш мақсадида кўприкнинг бир тарафи автотранспорт воситаларининг қатнови учун тўлиқ ёпилиши тўғрисида хабар берилганди. Пойтахт ҳокимлигининг маълум қилишича, кўприкдаги таъмирлаш ишлари ҳозирда якунланган.
«Амир Темур ва Аҳмад Дониш кўчалари кесишмасидаги йўл ўтказгичдаги таъмирлаш ишлари якунланиб, йўлнинг ёпилган қисми транспорт ҳаракати учун очилди», — дейилади хабарда.
14—17 январь кунлари кўприкнинг 7-сонли (олдинги 17-сон) Шаҳар клиник шифохонасидан «Юнусобод» метро бекати (мўлжал: «Универсам»)гача бўлган оралиқда (икки томонлама йўлнинг бир томони), 14—21 январь кунлари кўприкнинг иккинчи томони таъмирланиши белгиланган эди.
Эслатиб ўтамиз, 2020 йилнинг декабрида Тошкентнинг Тахтапул мавзесидаги «танкодром» кўприкнинг тўхтаб қолган таъмири бир ойга қолмай якунланганди.
Мавзуга доир: Тошкентда 2021 йилда 86 та кўча капитал таъмирланади
Изоҳ (0)