Турсунов Алибек Мамиржонович Фарғона вилояти ҳокимининг қишлоқ ва сув хўжалиги масалалари бўйича ўринбосари лавозимига тайинланди, деб хабар бермоқда «Дарё» мухбири.
Тайинловга қадар Алибек Турсунов Бағдод тумани ҳокими вазифасида ишлаган.
Алибек Турсунов 2013—2018 йилларда Фарғона вилояти қишлоқ ва сув хўжалиги бошқармаси бошлиғи, Ўзбекистон тумани ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича биринчи ўринбосари, Бағдод тумани ҳокими, Фарғона вилояти ҳокимининг қишлоқ ва сув хўжалиги масалалари бўйича ўринбосари – Қишлоқ ва сув хўжалиги бошқармаси бошлиғи, фермер, деҳқон хўжаликлари ва томорқа ер эгалари вилоят кенгаши раиси лавозимларида фаолият юритган.
Аввалроқ шу кунга қадар вилоят ҳокими ўринбосари вазифасида ишлаган Ҳалим Умаров Қува тумани ҳокими вазифасига тайинлангани ҳақида хабар берилган эди.
Изоҳ (0)