Honda сирли футуристик концепт-карни патентлади

Япониянинг Honda компанияси сирли модель — келажакдаги машиналарни ёдга солувчи футуристик концепт-кар учун патент олди, деб хабар беради Motor. Нидерландиянинг Autoweek нашри томонидан эълон қилинган автомобиль тасвири орқали уни барча ракурслардан томоша қилиш мумкин.

Концептуал модель Honda дизайнерларининг эркин фантазиясига ўхшайди, бироқ япон маркаси барибир унинг ташқи кўринишини патентлашга қарор қилган — бу келажакда шу каби шоу-кар оммага тақдим этилиши мумкинлигидан далолат беради.

Кўзга ташланадиган асосий жиҳатларидан бири — ёпиқ ғилдираклар гупчагидан кузов панеллари бўйлаб тарқалган узун ва ингичка чизиқлар. Уларнинг бир қисми анъанавий тутқичлари бўлмаган эшикка ҳам ўтган: эҳтимол, улар олд ғилдираклар соҳасида анча кенг бўлиши мумкин.

Концепт улкан шиша томга эга бўлган бўлиб, у ён ва орқа, шунингдек, олд ойналар ўрнини эгаллаган. Олд ён томонларида «синган» шаклдаги оптика, пастроғида эса бурчакли сплиттер жойлашган. Орқа қисмида эгилган бамперни, ингичка фаралар ва «шилдик» ўрнини кўриш мумкин.

Шоу-карнинг ташқи кўринишига кўра, унга тўлиқ электромотор, шунингдек, электроника жамланмалари, жумладан автопилот ўрнатилади. Honda анчадан буён автоном бошқарув технологиялари устида иш олиб бормоқда: 2020 йилда марка СЕА шкаласи бўйича учинчи даражали автономликка эга автомобилни бозорга чиқаришга ваъда берганди.

Аввалроқ Honda автомобиллар учун вирусга қарши ниқоб яратгани тўғрисида хабар берилганди.