Бу ҳақда хабар берган «Дарё» мухбирининг маълумот беришича, воқеа 4 февраль куни соат 17:30 да содир бўлган.
«Ислом Каримов кўчасида жойлашган ушбу кўп қаватли уй ҳали қурилиши тугалланганмаган бўлиб, аҳоли кўчиб ўтмаган уйлар бўлган. Портлаш натижасида жароҳатланганлар бор», — дейди «Дарё» мухбири.
«Дарё» мухбирининг қўшимча қилишича, айни пайтда Ички ишлар ходимлари воқеа содир бўлган жойдаги аҳолини хавфсиз ҳуддудга чиқаришга ҳаракат қилмоқда.
Дастлабки маълумотларга кўра, янги қурилаётган уйга кўчиб ўтиш ниятида хонадонга келган аёл уйда газ бор ёки йўқлигини текшириб кўришга уринган ва гугурт чаққан. Оқибатда газ тўлган хонадонда портлаш содир бўлган.
«Ҳатто уй ёнидан ўтиб кетаётган автобус йўловчилари ҳам бундан зарар кўрган ва улар шифохонага ётқизилган», — дейди воқеа жойида бўлиб турган «Дарё» мухбири.
Қўшимча қилинишича, портлаш содир бўлган кўп қаватли уй қаршисидаги савдо дўкони ҳам кўп талафот кўрган.
Фавқулодда вазиятлар вазирлигининг маълум қилишича, жароҳат олганлар бир нафардан уч нафаргачани ташкил этади. Қурбонлар ҳақида ҳозирча маълумот келиб тушмаган.
Изоҳ (0)