Ўзбекистон бош вазири Абдулла Арипов Улуғбек Мариповни Қирғизистон бош вазири этиб тайинлангани билан табриклади. Бу ҳақда бош вазир матбуот хизматига таяниб, UzReport-TV хабар берди.
Маълум қилинишича, Ўзбекистон бош вазири Абдулла Арипов 3 февраль куни 41 ёшли Улуғбек Мариповга Қирғизистон бош вазири этиб тайинлангани муносабати билан табрик мактубини йўллаган.
Kloop’нинг ёзишича, Улуғбек Марипов ҳисоб бўйича мустақил бўлганига ҳали 30 йил тўлмаган Қирғизистон тарихидаги 32-бош вазирга айланган. Мамлакат бош вазирларининг аксарияти жиноят ишига алоқадор бўлган ва ҳибсга олинган. Фақат 12 нафар Қирғизистон бош вазирига нисбатан лавозимдаги фаолияти давомида жиноят иши очилмаган.
Қирғизистон президенти Садир Жапаров мамлакатнинг янги ҳукумати таркибини ҳам тасдиқлаган. Қирғизистон парламенти қарорига кўра, аввалги ҳукуматдан бош вазир биринчи ўринбосари Артём Новиков, Миллий хавфсизлик давлат қўмитаси раиси Қамчибек Ташиев ва ташқи ишлар вазири Руслан Казакбаев ўз лавозимларини сақлаб қолган.
Изоҳ (0)