30 январь соат 13:30 ларда Сирдарё вилояти Ховос туманига ёпирилган кучли шамол туманнинг Кўклам кўчасида жойлашган кўп қаватли уйнинг томини учириб юборди. Бу ҳақда Telegram’даги «Сирдарё хабарлари» канали хабар берди.
Маълум қилинишича, Ховос тумани Ёнғин-қутқарув хизмати ходимлари зудлик билан ҳодиса жойига етиб келган ва фалокат оқибатларини бартараф этишга киришган.
Гувоҳларнинг сўзларига кўра, кўнгилсиз ҳодиса оқибатида ҳеч кимга жароҳат етмаган. Сирдарё вилояти Уй-жой коммунал хизмат кўрсатиш бошқармаси томонидан маълум қилинишича, ушбу бинонинг том қисми 2019 йил ёз ойларида профнастил билан капитал таъмирланган.
Аввалроқ Мингбулоқда кучли шамол бинолар томини учириб кетгани, Андижон шаҳридаги «Рубоий» кафеси олдидаги реклама баннери устуни шамолда эгилиб қолгани тўғрисида хабар берилганди.
Изоҳ (0)