1 февраль куни соат 00:20 Олмазор тумани Кичик ҳалқа йўли кўчасидан ўтган катта босимли ерости сув қувури ёрилиб кетди. Бу ҳақда Тошкент шаҳар ФВБ матбуот хизмати хабар берди.
«Юзага келган вазиятни бартараф этишда Фавқулодда вазиятлар бошқармаси ҳамда туман ФВБ ходимлари томонидан мутасадди ташкилотлар ҳамкорлигида бартараф этиш ишлари олиб борилди», — дейилади хабарда.
Эълон қилинган видеодан кўриш мумкинки, махсус техникалар ёрдамида ёрилган қувур атрофи очилиб, ортиқча сувни чиқариш ишлари амалга оширилган.
Эслатиб ўтамиз, 2019 йилнинг октябрида Тошкентдаги Нукус кўчасида иссиқ сув қувури ёрилиб кетганди.
Мавзуга доир: Қатортолда иссиқ сув отилди. Spark‘нинг дабдаласи чиқди
Изоҳ (0)