Футбол бўйича Англия Премьер Лигасининг 21-туридан ўрин олган баҳсда «Арсенал» ва «Манчестер Юнайтед» жамоалари 30 январь, шанба куни ўзаро тўқнашди.
Учрашувнинг биринчи бўлими меҳмонларнинг кичик устунлигида ўтди, бироқ танаффусдан кейин Микель Артета шогирдлари фаолликни оширди. Ҳар икки дарвоза олдида қатор голли вазиятлар юзага келган бўлса-да, ўйин якунига қадар ҳисоб очилмади.
«Манчестер Юнайтед» 41 очко билан иккинчи ўринда қолди ва битта захира ўйинига эга пешқадам — «Манчестер Сити»дан уч очко ортда қолмоқда. «Арсенал» (31) эса 8-поғонага жойлашган.
Оле-Гуннар Сульшер жамоаси кейинги турда «Саутҳэмптон»ни қабул қилса, лондонликлар «Вулверҳэмптон» майдонида меҳмон бўлади.
АПЛ
21-тур баҳси
30 январь, шанба
«Арсенал» — «Манчестер Юнайтед» 0:0
«Арсенал»: Лено, Бельерин, Соареш, Давид Луиз, Ҳолдинг, Жака, Смит-Роу (Эдегор, 83), Пепе, Парти, Мартинелли (Виллиан, 46), Ляказетт (Нкетиа, 90).«Манчестер Юнайтед»: Де Хеа, Шоу, Уан-Биссака, Линдельоф, Магуайр, Мактоминей (Марсьяль, 37), Бруну Фернандеш, Фред, Погба, Кавани, Рэшфорд (Гринвуд, 80).
Огоҳлантиришлар: Соареш (13), Уан-Биссака (51), Погба (73), Магуайр (76).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)