Ўзбекистонда 2018 йилнинг баҳорида ташриф буюраётган сайёҳлар сони аслида анча камлиги ҳақида айтилган бўлса-да, ўша йилнинг охирига бориб яна миллионлаб сайёҳлар ҳақида гапира бошлангани ҳақида хабар берилган эди. Жумладан, 2017 йилда улар сони барча ташриф буюрган 2,5 миллион нафар хорижликларнинг 10 фоизидан кам бўлган.
«Spot»нинг ёзишича, яқин шарқдан қариндошини кўргани келган ва меҳмонхона ёки экскурсияга камдан кам пул сарфлайдиган хорижликни сайёҳ деб ҳисоблаш мумкин, мумкин эмаслиги борасида туризм бизнеси вакиллари турлича фикрда.
Ўзбекистонга 2020 йилда 1,5 миллион нафар сайёҳ ташриф буюргани ҳақида маълум қилинганди. Spot 26 январь куни Давлат статистика қўмитаси маълумотларига таянган ҳолда ушбу сайёҳларнинг 87,8 фоизи қариндошларини йўқлаш мақсадида келганлигини билдирди.
Бунга жавобан Туризмни ривожлантириш давлат қўмитаси эътироз билдирган ва 2020 йилда ташриф буюрган сайёҳлар сони 1,5 миллион кишини ташкил қилганини таъкидлаган.
Қўмита ўз позициясини тушунтирар экан мамлакатдаги туризм статистикаси БМТнинг статистика бўлими томонидан ишлаб чиқилган Бутунжаҳон туризм ташкилоти (UNWTO)нинг «Туризм статистикаси бўйича халқаро тавсиялар 2008» методологиясига мувофиқ юритилишини билдирган.
Шунингдек, чет эл фуқароларининг чегара пунктларидан ўтиш фактлари паспорт маълумотлари асосида автоматик равишда ҳисобга олинишини таъкидлаган.
«Халқаро стандартларга мувофиқ, барча ташриф буюрувчилар ҳисобга олинади, фақат ишга жойлашиш, доимий яшаш жойини ўзгартириш, шунингдек транзит йўловчилар бундан мустасно», — деб изоҳ берган қўмита Spot’га юборган хатида.
Қўмита, шунингдек, сўнгги икки йил ичида туристик оқимларнинг динамикасини ҳам тақдим этган. Қайд этилишича, ушбу одамларнинг барчаси халқаро сайёҳлар деб ҳисобланади:
Изоҳ (0)