O‘zbekistonda 2018-yilning bahorida tashrif buyurayotgan sayyohlar soni aslida ancha kamligi haqida aytilgan bo‘lsa-da, o‘sha yilning oxiriga borib yana millionlab sayyohlar haqida gapira boshlangani haqida xabar berilgan edi. Jumladan, 2017-yilda ular soni barcha tashrif buyurgan 2,5 million nafar xorijliklarning 10 foizidan kam bo‘lgan.
“Spot”ning yozishicha, yaqin sharqdan qarindoshini ko‘rgani kelgan va mehmonxona yoki ekskursiyaga kamdan kam pul sarflaydigan xorijlikni sayyoh deb hisoblash mumkin, mumkin emasligi borasida turizm biznesi vakillari turlicha fikrda.
O‘zbekistonga 2020-yilda 1,5 million nafar sayyoh tashrif buyurgani haqida ma’lum qilingandi. Spot 26-yanvar kuni Davlat statistika qo‘mitasi ma’lumotlariga tayangan holda ushbu sayyohlarning 87,8 foizi qarindoshlarini yo‘qlash maqsadida kelganligini bildirdi.
Bunga javoban Turizmni rivojlantirish davlat qo‘mitasi e’tiroz bildirgan va 2020-yilda tashrif buyurgan sayyohlar soni 1,5 million kishini tashkil qilganini ta’kidlagan.
Qo‘mita o‘z pozitsiyasini tushuntirar ekan mamlakatdagi turizm statistikasi BMTning statistika bo‘limi tomonidan ishlab chiqilgan Butunjahon turizm tashkiloti (UNWTO)ning “Turizm statistikasi bo‘yicha xalqaro tavsiyalar 2008” metodologiyasiga muvofiq yuritilishini bildirgan.
Shuningdek, chet el fuqarolarining chegara punktlaridan o‘tish faktlari pasport ma’lumotlari asosida avtomatik ravishda hisobga olinishini ta’kidlagan.
“Xalqaro standartlarga muvofiq, barcha tashrif buyuruvchilar hisobga olinadi, faqat ishga joylashish, doimiy yashash joyini o‘zgartirish, shuningdek tranzit yo‘lovchilar bundan mustasno”, — deb izoh bergan qo‘mita Spot’ga yuborgan xatida.
Qo‘mita, shuningdek, so‘nggi ikki yil ichida turistik oqimlarning dinamikasini ham taqdim etgan. Qayd etilishicha, ushbu odamlarning barchasi xalqaro sayyohlar deb hisoblanadi:
Izoh (0)