Президент Шавкат Мирзиёев раислигида 27 январь, чоршанба куни ўтказилган видеоселектор йиғилишида давлат раҳбари аҳоли ва ёшлар муаммоларини тизимли ҳал қилишда Тошкент шаҳар тажрибаси яратилишини таъкидлади, дея хабар бермоқда «Дарё» мухбири.
«Яқинда Юнусободда туман фаоллари билан учрашдим. Ҳудуд аҳолисини, асосан, ички йўллар, мактабгача таълим ва кадастрга оид муаммолар қийнаётгани маълум бўлди. Ечимини кутаётган мазкур энг муҳим масалалар тезроқ ҳал қилиниши керак. Тошкент шаҳрининг бошқа ҳудудларидаги муаммоларга ҳам тизимли равишда барҳам беришимиз зарур. Аҳоли ва ёшлар масалаларини тизимли ўрганиб, барчасига ечим топишда пойтахт бошқа вилоятларга намуна бўлиши керак, Тошкент тажрибасини яратишимиз лозим», — деди давлат раҳбари.
Мавзуга доир:
- Шавкат Мирзиёев Юнусобод тумани маҳалла раислари ва ёшлар билан мулоқот қилди
- «Маҳалла раиси – Президентнинг қуйи бўғиндаги устуни». Шавкат Мирзиёев Юнусободдаги маҳалла фаоллари билан учрашди
- «У энди аравани бошқача олиб, туманни ҳар жиҳатдан ўзгартиришга киришади» — Шавкат Мирзиёев Юнусободнинг янги ҳокими ҳақида
Изоҳ (0)