Самарқанд вилояти ҳокими Эркинжон Турдимов соғлиғини тиклаш мақсадида қисқа муддатли даволаниш таътилига чиққанлиги ҳақида хабар берилганди. Кейинчалик, ҳоким 17 январь кунидан бошлаб 10 кунлик муддатга меҳнат таътилига чиқиши лозимлиги маълум бўлди.
Самарқанд вилоят ҳокимлиги ахборот хизмати раҳбари Манучеҳр Мирзаевнинг маълум қилишича, Эркинжон Турдимов бугун, 28 январь куни Самарқандга қайтади.
«Вилоят ҳокими эртага йўлга чиқади. 30 январь, шанба куни ёки 1 февраль душанба куни ишга чиқишини айтган», – деди ҳоким матбуот котиби Манучеҳр Мирзаев «Дарё» мухбири билан 27 январь кундаги суҳбатида.
Эслатиб ўтамиз, Президент Шавкат Мирзиёев 4 январдан қисқа муддатли меҳнат таътилига чиққан эди. 11 январь куни Президент таътилдан қайтиб, Жиззахдаги ҳарбий қисмга ташриф буюрган.
2021 йил 17 январь куни Қорақалпоғистон Вазирлар Кенгаши раиси Қаҳрамон Сариев, Тошкент шаҳри ҳокими Жаҳонгир Ортиқхўжаев, Жиззах вилояти ҳокими Эргаш Солиев, Самарқанд ҳокими Эркинжон Турдимов, Сирдарё ҳокими Ғофур Мирзаев, Сурхондарё вилояти раҳбари Тўра Боболов ва Тошкент вилояти ҳокими Рустам Холматовлар 10 кунлик муддатга меҳнат таътилига чиқди. Қорақалпоғистон раҳбари ва 6 вилоят ҳокими бугун, 28 январдан таътилга чиқади.
Изоҳ (0)