Неслиҳан Атагул «Элчининг қизи» сериалини саломатлиги борасидаги муаммолар сабабли тарк этгач, лойиҳада катта ўзгаришлар юз бергани маълум қилинган эди. Масалан, Неслиҳан туфайли сценарийга киритилган ўзгартиришлар сабаб Ураз Кайгиларўглу ҳам лойиҳани тарк этади. Натижада сериалнинг сюжети кескин ўзгариб кетган. Унга кўра, картинада Туба Буюкустун ҳамда Энгин Акюрек жуфтлиги пайдо бўлди. Сценарий эса тез орада қайта ёзилиши кутилмоқда, деб хабар беради «КиноТека».
Буюкустун бундан аввал «Пул ва гул ишқи» сериалида биргаликда роль ижро этган Энгин Акюрек билан сериалнинг халоскори бўлишига рози бўлди. Аллақачон суратга олиш ишлари давом этаётган сериалга тўсатдан кириб бориш одати бўлмаган актриса ҳамкасбларини қийин аҳволда қолдира олмади, шунинг учун ҳам лойиҳада иштирок этиш таклифини қабул қилди.
Маълум бўлишича, актрисага лойиҳада иштирок этиши учун «О3 Medya» 3 миллион турк лираси, яъни 400 минг долларга яқин пул тўлаган. Шунингдек, ҳар бир суратга олинган эпизод учун Буюкустунга 200 минг турк лираси – 27 минг доллар тўланади. Бундан ташқари, у сериалнинг чет элда сотилишининг фоизини олиш учун ҳам шартнома имзолаган. Баъзи хабарларга кўра, унинг партнёри Энгин Акюрек ҳам шунча миқдорда гонорар олади. Яқин Шарқ ва Лотин Америкаси ушбу лойиҳага аллақачон қизиқиш билдирган, шунинг учун ҳам продюсерлар катта пул сарфламоқда.
Орадан бир неча йил ўтиб, икки юлдуз «Элчининг қизи» сериалида яна бирга ишлайди. Бу сериал рейтингига ёрдам берадими ёки йўқ, ҳозирча маълум эмас. Аммо Буюкустун «Элчининг қизи» сериалига қўшилиши учун қўлдан келган барча иш амалга оширилган. Яқинда унинг ўзи ҳам сериалда чиқишини ижтимоий тармоқларда эълон қилган. Унинг иштирокидаги илк саҳналар дам олиш кунларида суратга олинган.
Айтганча, сериал номи ўзгарадими, деган савол барчани ўйлантирмоқда. Элчининг қизи йўқлиги сабабли лойиҳанинг номи ўзгариши ҳам мумкин. Ҳозирча фильм ижодкорлари бу ҳақда аниқ қарорга келмаган.
Мавзуга доир:
Изоҳ (0)