Нотўғри овқатланишдан чарчаган ҳамда мунтазам равишда спорт залига боришга вақти бўлмаганлар учун Буюк Британия Соғлиқни сақлаш миллий химзати мутахассислари озиш учун яна бир ажойиб усул топди. Маълумотларга кўра, усул 12 қоидадан иборат бўлиб, унга риоя қилиш орқали ҳар ким ўзи орзу қилган вазнга эришиши мумкин. Шифокорларнинг тавсияларига амал қилиш осонроқми ёки спорт ва парҳез комбинациясидан фойдаланиш яхшироқми, деган саволга қуйидаги оддийгина маслаҳатлар кетма-кетлиги билан танишиб чиқиб жавоб бериш мумкин.
Парҳез ва спортсиз озиш қоидалари
- Кунни эрталаб тоза ҳавода 10 дақиқа юришдан бошлаш муҳим.
- Кундалик юмушлар билан параллел равишда оддий жисмоний машқлар бажариш мумкин. Масалан, телевизор томоша қилиш ёки тиш ювиш вақтида турли хил жисмоний машқларни бажариш керак.
- Тушликдан кейин қаҳва ичиш тавсия этилмайди. Бу уйқу сифатини яхшилайди.
- Шарбат ва бошқа шакарли ичимликларни сув ҳамда чой билан алмаштириш керак.
- Спиртли ичимликлар истеъмолини чеклаш зарур.
- Кун давомида енгил егулик тановул қилиш ўрнига тўйимли ва фойдали овқатларни истеъмол қилиш зарур.
- Ширинликлардан воз кечиш имконсиз бўлса, сутли шоколад ўрнига 70 фоизли қора шоколад тавсия этилади.
- Рационни янада фойдали қилиш учун ҳар ҳафта янги сабзавотлар тановул қилиш керак.
- Харид учун рўйхат билан бориш жуда муҳим. Акс ҳолда савдо расталаридаги зарарли ҳамда юқори калорияга бой маҳсулотлар солиб олиш ҳолатлари кузатилиши мумкин.
- Узоқ масофага сайр қилиш ҳафтада камида икки маротаба амалга оширилиши керак.
- Овқатланишдан ташқари ижобий ҳис-туйғуларни бағишлайдиган фаолият билан шуғулланиш лозим.
- Овқатланиш борасида ҳеч нарсадан тийилиш шарт эмас. Масалан, бир бўлак ширинлик истеъмол қилиш керак бўлса, албатта, уни ейиш мумкин.
Изоҳ (0)