Овқат қолдиқлари тўкилган, ёғлар тўпланган печни тозалаш севимли юмушлардан бири эмаслиги аниқ. Лекин вақтида тозалаб турилмаса, ёки кир ҳолатида ҳам бошқа таом пиширилса, йиғилган эски қолдиқлар пишириладиган таомнинг таъми ва ҳидига таъсир қилиши мумкин.
Қандай қилиб печни ёғ ва чирклардан тозалаш мумкин?
Кимёвий тозалаш воситалари ёрдамида
Тозалаш осон бўлиши учун 15-20 дақиқа давомида 50 даража ҳароратда қиздириб олинг. Тозалашдан аввал печ эшигини очиб қўйинг ва резина қўлқоп кийишни эсдан чиқарманг. Тозалаш воситаси ёрдамида губка билан яхшилаб тозаланг.
Уй шароитида қандай тозалаш мумкин?
Кир, ёғ тўпланган жойга тозаловчи воситани сепинг ёки губка билан суртиб чиқинг ва бироз кутинг, дарҳол тозалашга киришиб кетманг. Печ тозалаш учун мўлжалланган геллар одатда 30 дақиқадан кейин таъсир қилгани сабаб ҳам эшигини 30 дақиқага ёпиб қўйинг. Шундан кейин яхшилаб артинг ва тозаланг, кимёвий воситанинг ҳиди ҳам ўзи ҳам қолмасин. Тозалаб бўлгандан кейин 1-2 соат ишлатмай туринг.
Сирка ва сода ёрдамида
Биринчи бўлиб печ ичидаги овқат қолдиқларини сидириб олинг. Сирка ва содани 1:2 нисбатда аралаштиринг, идиш ювадиган воситадан бир-икки томчи ва сув қўшинг. Аралашмани қаттиқ губкага суртиб, печ деворларини яхшилаб ишқаланг. Идиш ювадиган восита ўрнига сувга ивитиб қўйилган хўжалик совунидан ҳам фойдаланса бўлади. Аралашмани печ деворларига суртгандан кейин бир соатга эшигини ёпиб қўйиш керак.
Содани печ ойнасига сепиб 40 дақиқа кутилса, ундаги чиркларни кетказишга ёрдам беради.
Шунингдек, печ ичини сирка билан артиб, устидан сода билан тозалаш, яхшироқ самара бериши учун эса лимон кислотасидан ҳам фойдаланиш мумкин.
Нашатир спирти ва сув ёрдамида
Печни 70 даража қиздириб олиб, кейин ўчириб қўйинг. Идишга қайнаган сув солинг ва печнинг пастки полкасига қўйинг, иккинчи полкага эса нашатир спирти солинган идиш қўйинг. Печ эшигини ёпинг ва эрталабгача қолдиринг. Тонгда нашатир спиртли идишга сув ва ювадиган восита қўшиб аралаштиринг ва ушбу аралашма билан печ деворларини артиб чиқинг.
Кейинги сафар печдаги ёғ ва кирларни кетказиш осон бўлиши учун нима қилиш керак?
- Ойлаб ёғ босиб ётмаслигига эътиборли бўлинг. Ёғли таом пиширганда ёки бошқа бир егуликни тайёрлаш давомида қолдиқ тўкиладиган бўлса, печга ювадиган восита қўшилган сув қўйинг ва 100 даража ҳароратда қиздиринг, девордаги ёғлар юмшашни бошлайди ва тозалаш осон бўлади.
- Ёғли таом пиширганда фолга ёки запеканка пиширишда ишлатиладиган қоғоздан фойдаланинг.
- Печ харид қилишда пиролиз функцияси (ўзини ўзи тозалаш хусусиятига эга бўлган)га эга бўлган вариантларга эътибор қаратинг. Уларни ювишга ҳожат бўлмайди, ушбу функция ишга туширилганда юқори ҳароратда ёғ ва овқат қолдиқлари йўқ бўлиб кетади. Бу вақтда печ эшиги блокланади ва жараён вақти очиб бўлмайди.
Мавзуга доир:
Изоҳ (0)